 Azərbaycan prezidentinin Novruz bayramı münasibəti ilə imzaladığı əfv sərəncamının icrasına başlanılıb.
APA-nın xəbərinə görə, Ədliyyə Nazirliyi Penitensiar Xidmətinin 3 saylı İxtisaslaşdırılmış Cəzaçəkmə Müəssisəsində cəza çəkən 3 məhkum azadlığa buraxılıb.
Ədliyyə Nazirliyinin İnsan Hüquqları və İctimaiyyətlə Əlaqələr İdarəsinin rəisi Faiq Qurbanov jurnalistlərə açıqlamasında bildirib ki, əfv sərəncamının icrası bu gün başa çatdırılacaq. İdarə rəisi ölkə prezidentinin növbəti humanist addımının məhkumlar tərəfindən sevinclə qarşılandığını deyib. F. Qurbanov bildirib ki, bu, 1995-ci ildən bəri imzalanan 47-ci əfv fərmanıdır. Bu fərmanlar ümumilikdə 5029 nəfərə şamil edilib.
Qeyd edək ki, Azərbaycan prezidenti İlham Əliyevin Novruz bayramı münasibəti ilə martın 17-də imzaladığı əfv sərəncamı ilə 62 məhbus cəzasının çəkilməmiş hissəsindən azad edilib. Sərəncam ümumilikdə 72 məhbusa şamil olunub. |
